Home 2016 May 01 Hruaitu le hruaining

Hruaitu le hruaining

Hruaitu le Hruaining (Leader and leadership)

24 AUGUST 2012 .NGAI MEN

Cu caah hruaitu le hruaining timi he pehtlai in hmuh khawh tawk vun langh ter ve ka duh.Hruaitu `ha sining langtertu hna (traits of a good leader) le Hruai ningcang( Leadership styles) tiin dot 2 in kan vun zoh lai. Hruaitu le hruaining timi hi kan miphun

thanchonak ah a herh ngai mi le a biapi

ngai mi a si ve tiin ka ruah.

F. John Reh nih “ Hruaitu kan timi cu mi buupi a hip kho i, tinhmi leiah chuaklak in a hruai khotu, (or) chunmang a ngei i cu chunmang a tak in tlin khawhnak tiang kalpitu asi” a ti. Hruaitu sinak (Leadership) he pehtlai in Warren G. Bennis nih a ti vemi cu, “Hruaitu sinak kan timi cu tinhmi hmunlei ah mipi kal pi khawhnak sining or mipi nih a hnuzulh duhnak le mah lei `anglak in hruaikhawhnak, thil ti khawhnak ngeih khi asi” ati. Hruaitu tha sining langtertu (traits of a good leader) phun 10.

1.Zumh awktlak sinak ( Honest) Hruaitu `ha si nakah zumh awk tlak sinak hi a biapi taktakmi a si, zumhawktlak sinak nih a langh ter chihmi cu i ti ternak um loin a taktak a simi langhter khawh, ziaza ding, lihchim lonak le a hmanning in nun khawh kha asi.

2.Thil ti khawhnak , thiamnak (Competent) Hi nih a lang termi cu hruaitu `ha simi nihcun thiamnak le thil ti khawhnak a za in a ngei lai, duhnak sawhsawh le lung thawhnak sawhsawh in rian a`uan lai lo. Aherhnak zawnah thinlung in `uanding i sehchih mi cungah a thil ti khawhnak kha hman in rian a tuan lai.

3.Hmailei hmuhchung khawhnak ( Forward – looking )Hruaitu `ha si mi nihcun

hmailei ah tinhmi ngeih in le thil si dingmi hmuhchungkhawhnak le chunmang a ngei lai. Cu chunmang atlin khawhnak ding caah zeitin in dah ka kal ah a that lai ti le chunmang a tlin khawhnakah zeidah ka tuah awk si ti le zeidah a herh mi si kha hmuhchung khawhnak sining a ngei lai.

4.Lungthawhnak , thazang peknak ( Inspiring) Hruaitu asi mi nihcun tuahmi thil pouh ah mah le mah i zumhnak ( self -confidence) ngeih a biapi ngai. Mipi lungthawhternak caah a za in mah nih tuahmi thil ah i zumhnak ( self confidence ) aum lawngah mipi hipkhawh le lung thawhter khawh si ve. Taksa lei, Thlarau lei le Thinlung leiah mi tha zang a pe khotu le milung thawhnak a pe khotu si dingah mah le mah i bochannak ( Self confidence ) ngeih hi a rak biapi tuk.

5.Fimthiamnak ngeih ( Intelligent)Hruaitu simi nihcun fimthiamnak a za in a ngei

lai. Rel a herhmi relkhawh le chim a herh mi chim khawh, tuah aherh mi a herh ning in tuahkhawhnak caah fimthiamnak a za in ngeih cu hruaitu caah a bia pi ngai misi.

6.Ding te-in le phung ning in riantuan duhnak thinlung ngeih ( Fairminded) Hruaitu pakhat a simi nih cun thildik le thilhman ah a dirmi a si lai . Thil sining tein le a phungning tein rian`uan khawh kha hruaitu caah a biapi ngai. Mi hmaizohnak le mah zawn lawng iruahnak ah a phung lo ningin rian`uan cu hruaitu tha i sining asi

lo. Thil pakhatkhat asi hlan in biakhiahnak a hlan kan in rak ngeihcia khi dinnak i a ral a si. A dingmi ningin rian`uan le a phung ningin rian`uannak nih mipi thinlung ah hmunhmaalak khawh i mipi nih zumh le bochan asi.

7.Thinlung ruahnak kau ngeih ( Broad – minded) Hruaitu asi mi nihcun thil kaupi in zohkhawh le hmuh khawh a biapi ngai.Thil pakhat or buaibainak pakhatkhat simi zoh tikah kapkhat lei lawngin zoh ding si lo, a kaphnih in hmuh khawh kha a biapi. Athatnak le thatlonakakap hnih in zoh khawh le hmuh khawh kau pi in hmuh khawh leruah khawh kha hruaitu `ha i sining asi.

8.Ralthatnak (Courageous)Hruaitu pakhat caah ralthatnak hi a rak biapi ngai. Riantuan tik zongah lungdong lo tein le ral tha tein a phi chuak lakin `uan ngam kh ahruaitu `ha i sining pakhat a si ve. Sunghnak zong a herh ahcun inngam le ton

ngam , a herhnak zawnin in dir ngamnak, chim ngamnaktuan ngamnak kha hruaitu caah a rak biapi ngai.

9.Ding tein hmailei kal khawhnak (Straight forward) Ahman mi biakhiahnak ngeih in cu biakhiahnak lei ahcun ding tein kalkhawh in amah le can chungah phanh khawh kha hruaitu tha i a dirhmun si. Tinhmi tha tein ngeih in cu tinhmi phanh khawhnak caah dingtein kal khawh kha biapi ngai mi si ve.

10.Lung chung in thil tuaktannak ngeih ( Imaginative) Hruaitu si mi nihcun thinlung mitthlam in suaisam khawhnak ngeih a herh. A tha mi tinhmi tuaktan in cu cu zeitin in dah ka phanh khawh lai tiah mitthlam in suaisam khawh le `ha deuh mi aphi hmuhkhawhkha hruaitu pakhat caah a rak biapi ngai. Khuaruahnak, a hlan kan inkhuakhan chungnak le riantuan ding ning hna kha lung chung in rak tuaktan dih cianak ngeih kha hruaitu tha i sining ding cu a si. Hruai ningcang (Leadership styles) Hruai ningcang hi phunthum in `hen khawh si. Cu hna cu atang lei ahkan vun langh ter.

11.Nawlngaihnak sang bik hruaining ( Autocratic Or Authoritarian)Hi ban tuk hruaining cu hruatu kha lu bik ah a um i mah nawlngaihnakin mipi kha hruai asi. Amah nih tuah uh ti mi pouh hruaimi nih tuahsi.Abiapi mi biakhiahnak zawngah mipi tel lo in amah nih khiah dih si.Nawlngeihnak kha full in angeih tikah rian biapi

vialte zong amah nihtuandih a si. Phungphai le phunghram vialte cu amah hruaitu caah si loin hruaimi caah si dih. Cun hruai mi sinah thihphaihnak le dantatnakahman. Hi hruaining hi hruaimi caah ahar ngai mi asi i, hruaimi zongnih duh asi lo.

12.Mipi tel in hruaining (Participative Or Democratic)Hi hruaining ahcun hruaitu le hruaimi kha aruang tein nawlngeihnakngeih asi. Biakhiahnak pouhah hruaitu pakhat ruahnak in si loin mipiruahnak lak in miza pi teltumnak le mizapi hnatlaknak in hruai mi hruaining si. Hruaitu nih rian`uan ding pakhatkhat kongah arian`uan tihawi kha a theihter hna a ceih hmai pi hna. Thazang peknak le lunglawmhnak langternak ruahnak i peknak zong ngeih asi. Pakhat le pakhat ruahnak fumtom in kal a si. Hruaitu nih a mah duhning in mipi hruai si loin mipi he hmunkhat ah ruahti

khan ti tuanti in kal asi. Hi hruai ning hi mipi caah a nuam mi le a tluangmi asi caah mipi nih duh le cohlan khawhmi hruaining asi.

13.Zalawng te hruainak ( Free-reign leadership) Hi hruaining cu hruaitu nih nawlngeihnak pakhat hmanh a ngei lo.Nawlngeihnak vialte cu mipi kut ah a um dih. Hruaitu cu biate deuh lawngah a cawlcang kho. Mipi nih anmah duhning lam i sial in zulhasi ko. Anmah tein khuakhan in hruaitu kha cu theihpi tu le hna tlak pitu lawng

asi. Hruaitu aum lo zongah poi ah an chia lo anmah teinthazang an i pe training an ipe. Buaibainak pakhatkhat aum sual hmanhah hruaitu cungah si loin mipi nih tuar in phisin zong si. Hi hruaininghi mipi cu aa nuam ngai nain rian hma akal lo. Aruang cu mipi duh nak a dang liangluang mi chung in hmunkhat ah kal asi tikah a fawi lo mi hruaining si.

Biadonghnak,
Acung lei kan langhter mi hruaining phunthum hi hruaitu nih amah lehmunhma le can sining he akaih in a pa thum in ahman khawh canzong aum ve ko nain a tam bik nih hmankhawh mi le duhmi cu Democraticleaderdhip kan ti mi mipi teltumnak in hruaimihruai ning hiasi.

References;

1. Depositario, P.T. 1987. Local Leadership in Extension Education. In an Introduction to Extension Delivery Systems by Valera, et al (eds). Manila Island Publishing House, Inc. 188 p.
2. The leadership traits/leadership qualities are: http://www.leadership501.com/five-most-important-leadership-traits/27/

3. Character and Traits in Leadership http://www.nwlink.com/ ~donclark/leader/leadchr.html
4. Schriesheim, Chester A. (1982) The Great High Consideration: High Initiating Structure Leadership Myth: Evidence on its Generalizability. The Journal of Social Psychology, , 116, pp. 221-228.
5. Tannenbaum, R. & Schmidt, W. (1973), How to Choose a leadership
Pattern. Harvard Business Review, No. 73311 (originally published in March-April 1958 issue).

Author: admin

Comments are disabled.